زعلتي ..!!..

زعلتي ..

عادي شنو يعني اللي بيصير ..
والا تدرين تعالي أقولج وش بيصير ..
 بس الدنيا يطلع لها ريش وتطير ..
والشحر ينفث سم الزمهرير ..
وقلبي يعتصر .. بقايا هم .. حزن ..
وكأبه .. بؤس .. وجع ..
مادري بس المهم تركيبة عصير ..
والقليل من بقايا الحب الضرير ..
والعصافير .. تموت كل العصافير ..
ويصير وجهي شباك على سور السنين ..
وعيوني .. عيوني شمعتين معلقه في نص الشباك الحزين ..
شمعتين .. بس حرقهم قيد الحنين ..
وخشمي أصبح مقبض الشباك اللعين ..
والفم ماهو إلأ فلتر لزفرات الحنين ..
..!!..
عادي شنو يعني اللي بيصير ..
وإلا شنو يعني اللي ما يصير ..
..!!..
بترحلين .. موفقه ويا علج تستانسين ..
بس لا تنسين .. لا ما ابيج تنسين  ..
أني راح أتلاشى مثل ذكر السالفين ..
وكل أمنياتي أكون برواز ..
معلق على جدران قلبج الخطير ..
..!!..
عادي يعني شنو اللي بيصير ..
وإلا شنو يعني اللي ما يصير ..
لا بغيتي ترحلين ..

----------------------------------------
لأول مره تخرج بالـ(عاميه) ..